|
曾經為香港七百萬市民締造發達之路、幫亞視創造收視奇蹟、令陳啟泰賺千萬的《百萬富翁》，亦到了曲終人散的時候。
上星期日下午，陳啟泰一如以往到化妝間化妝，偌大的化妝間只得他一人，沒有人前呼後擁，沒有人夾道歡迎。錄影最後一集，氣氛比以往冷清。當節目完畢，陳啟泰駕電單車離去前，回望《百》的廣告牌——曾經為他帶來可觀收入的節目，難免依依不捨。
雖然亞視表示《百》將於明年重播，主持人亦鐵定用回陳啟泰，不過，風水學家蘇民峰就批出陳啟泰明年開始，運勢會急轉直下，即使有工開，亦只是得一個「做」字，實質收入卻很少。百萬「富翁」隨時捱到穿「褲窿」。
 |
 |
 |
| 陳啟泰步出亞視時，只穿上一件短袖底衫。 |
踏正四點，陳啟泰準時到亞視化妝間，沒有人替他梳頭化妝，所有事一手包辦。 |
錄影完，阿Ken如常揹着背囊經過百萬大道，唯一不同的是，今次是最後一次。 |
 |
 |
 |
冇人同我玩，好悶呀！（設計對白）
為慰勞一班工作人員，阿Ken花萬二元筵開4席，但在祝捷會上，身為主人家的阿Ken竟冇人理，惟有周圍𥄫人打麻雀。 |
10個曾經在《百萬富翁》奪取超過25萬的精英，與陳啟泰先來一張大合照，他們共攞走亞視400萬獎金。 |
做完最後一集《百》，陳啟泰駕着電單車獨自離去。 |
 |
 |
|
| 阿Ken主持《百》深入民心，臨走一刻，一個參賽者送上親手畫的畫（右），亦有珠寶贊助商送了一個足金人像給他，價值4萬元。 |
|
觀眾愛啟泰
雖然亞視即將推出由大姐明主持的《各出其謀》，不過家庭觀眾就似乎唔係咁期待，反而支持陳啟泰多啲噃。
劉太：當然唔捨得陳啟泰啦，我同個女都係佢fans。大姐明嗰個節目？我諗未必睇啦，我哋寧願等《百萬富翁》再做先睇啦！
林女士：我鍾意陳啟泰做節目夠斯文淡定，而大姐明呀，我最驚佢把聲咁高音，所以未必會睇《各出其謀》
| 分析陳啟泰運勢 陳啟泰在《百萬富翁》成功上位，名利兼收，但蘇民峰就批他明年開始冇運行，營營役役但徒勞無功。蘇民峰說：「陳啟泰本性屬火，要有金有水先旺佢，咁啱上年、今年帶金，令佢有財運。今年係大火年就有「忙運」（即工作冇時停），陳啟泰咁啱重疊財運同忙運，所以佢今年就突然紅到發紫。不過出年開始，財運變得薄弱，淨係得個「忙」字，做到死都未必賺到錢。」
另外，記者將陳啟泰嘅簽名畀蘇師傅批，他說：「陳字嘅『斧頭邊』等如一把刀向正東方，加上如果打橫睇，似一個M字，而《百》英文串法係Millionaire，所以註定佢做《百萬富翁》一定上位，反而用其他節目名，阿Ken未必咁紅。」
|
蘇民峰指陳啟泰簽名好夾《百》。
|
林建明唔利新節目
《百》播映完畢，緊接下來是由林建明主持的《各出其謀》，而蘇民峰對其收視和受歡迎程度則未有看好，「林建明本性屬土，出年因為旺火，所以唔會利佢，至於《各出其謀》呢個名，總筆劃有34劃，亦同大姐明個名唔夾，所以由佢主持呢個節目未必適合，收視亦未必會好。」
陳啟泰０１年進帳千萬
|
| 《百萬富翁》錄影150集 |
$160萬（每集4萬） |
| 廣告：大陸兩個樓盤、洗頭水、啤酒、西裝、皮鞋 |
$120萬 |
| Citibank分店剪綵 |
$30萬 |
| 商場騷（10場） |
$80萬 |
| 登台（約30場） |
$200萬 |
| 電影《綁架門口狗》配音 |
約$5萬 |
| |
合共$1,035萬 |
撰文：勞燕萍 攝影：王建明
|
