|
呢期至紅嘅，梗係亞視嘅《百萬富翁》電視遊戲節目，估唔到紅到連旺角卡拉OK夜總會都玩埋一份。不過獎金欠奉，但獎品就非常三級。想知實情係點，睇下剝衫版百萬富翁啦！
剝衫代替一百萬
K場版的《百萬富翁》完全不用講究配樂、燈光及佈景等製作，更不需爭出線，只要客人上去幫襯，PR小姐們便充當主持問問題。
玩法是：
1.共5條問題（大多為三級問題），每答中一條，公關小姐即席當客人面前脫衣一件。
2.雖然冇所謂「保險線」，但每答中第二及第四條，均有啤酒等送贈。
3.冇50：50、打電話問朋友或現場觀眾俾答案，因公關小姐們甚識做，差唔多代答或甚至做出三級問題的答案姿勢給客人參考。
K場的《百萬富翁》遊戲，寫明是「剝光豬」，而黃紙的5條三級問題太露骨，故不宜「出街」，PR手上的問題則錯漏百出，如毛澤沒有「東」字，林彪寫成林標，戴卓爾的「載」和「爾」也用錯和寫錯。
（以上3條問題答案是：1.B 3.A 5.A）
《最弱一環》變踢走豬扒
據旺角金X蘭經理富哥表示，如反應良好，更會重本搞大佢，「真係想做到好似電視咁，有主持、用電腦……」
日後係咪搞大佢就唔知，不過剛出爐的三級版《百萬富翁》則甚「蝦碌」，如部分問題照抄亞視問過的問題，又多白字、錯字及製作粗糙。
不過客人似乎頗受落，任職營業員的陳生說：「咁玩法，有氣氛之餘又唔會太淫賤。話晒要答啱問題啲女仔至會除衫，又唔係迫佢哋嘅。」
問富哥如果無線遲啲播嘅《最弱一環》（The Weakest
Link）受歡迎，會唔會又玩埋一份？
「會，不過係點玩㗎？」經記者解釋後，富哥竟然想到用踢走豬扒公關小姐或是公關小姐除身上衣飾來代替踢走參賽者的形式。嘩！咁都得！
陳啟泰想睇剝衫版「百萬富翁」
一提《百萬富翁》，眾公關小姐對陳啟泰讚不絕口，如「佢好靚仔！」
而陳啟泰得知後，則大方說：「多謝佢哋咁捧場，好彩我老婆唔會呷醋，因為以前都有異性咁讚過我。」
至於《百萬富翁》出現旺角三級版，陳啟泰表示：「哦！《百萬富翁》呢幾個字同玩法冇版權嘅（不包括電視的播影及製作形式），又唔覺得會cheap咗，唔hit都冇人模仿啦，（對公關小姐以除衫代獎金點睇？）只要係用自己勞力去賺錢，唔犯法就冇問題啦！」
最後陳更表示他好有興趣想睇旺角三級版《百萬富翁》係點樣。
「嘩！唔怕老婆扭耳仔？」
「哦！唔係親自去睇，睇你哋本雜誌咪得囉！」陳啟泰，咁識講嘢又靚仔（公關小姐話嘅），抵你紅！
撰文：范樹華[kickzone@hotmail.com] 攝影：John |
